Nov 15 2026 | २०८३, कार्तिक २९, गते
२०८३, कार्तिक २९ गते
Nov 15 2026 | २०८३, कार्तिक २९, गते
थापरेय महनी दोखसेङ् बाँलकु तु जुयनच्वन ज्यउ । दोखुसे छेँछेँकु महनीय रनक व छनक दयन् चहकदयन् च्वन । थापरे महनी नेपाल सम्वत् ११४६ कौलाथ्वः दशमी सिंदर तिङ टिका फय न्हि खेउ ।
थनु महनीय टिकाय् व्यालाकु भिङ्गु टोनगु !
छीजि द्वाल्खाकु महनीय् रनक मेले सोयन् ब्यागल व पाउ दमु । सिंदर तिङन् थउ स्वयन् ड्वाकुन् दांगुपे लाहालान् आशिक फ्वइँरी चलनवा दोखुबलेङ् दमु । आन्थिनुं द्वाल्खाय् हाबिय बाजे जिजुबाजेपिसिन् दके तय चलनय ल्याखाःकु ‘टिका फर यान्,’ हङ चलन मद । थउ मिप थउ ड्वाकुन्दांगु मान्यजन, जाहानमिपे छेँकु थउतु ल्याखाःन् ओनगु । उ चलन स्वनिगः देशकु मद आपे वा ब्याहाजुयन् ओंगु म्यासमुचा व जारीभाजु खलकत सत्तइतु मल्गु चलन दमु ।
द्वाल्खाकु थन्हुय महनीय विशेष महत्व दउजु । पुरान्छेँलान् हिपाथामी धर्धर्न खाय्न् खाय्न् भीमसेन् देउ उयेन् कालीमन्दिर जुयेन् देक्वार थ्येङन् आँकुये गणेश देउकु स्याङ ठोचाये हि त्वङन् दुङ्गल, नाश्वर, पिङ्गल जुयन् रास्कुलकु इतार नयन् बहिरय चक्र डोबरकु चियन् तय ठोचात डायेन् राइतीकु ओङन् म्वर लुय्न् आले थउ च्वङ ठाइँकु लिपुले लुओन्केइरी सिवाय हातिङ् मन्त ।
हिपाथामीय खँ लाइमल्नसिन् परम्पराकु छ्यालेन्च्वङ ज्यखँ त थउ संस्कृति व परम्परा खेउँ तान्केइमजी उ छिजि मूल ज्येखँ खेउँ दोखुनु जातिय थउथउ अस्थित्व दमु हङन् खँ तइमल्गु तर उ खँत मखेउ व मज्यू तर्क हाखेन हाय्न् गणतन्त्रय ब्यालाय अनाधिकार खँ ङेन्के मिपिस्त लिचिल्केइरी ज्येखँ येङकु दुःख चाइमल्गु जुर ।
आउ केसि खाँडा खाकेय न्हिकु यिनागु खँ ताइमदयेन् थ्वओँ, द्वाल्खाकु खाँडाजात्रा बाँलस्के ङाकेर्जु हङ खँ ताइथद । दोख्सेङ् महनी भिङ्गु जुर बाँलकु जुर । दोखुनु रसताय्न् द्वाल्खाय् ख्वाल चक्र्वन हङ ताइथद हङन् इसिन् बाँलकु मन्न टोङन् थापरे त उलिकु तु च्वय कलम दिकेर्गु । जय महनी ! जय खाँडो जात्रा !
१९९७–०७७–०७८
© 2026 All right reserved to bampijhyala.com | Site By : Sobij
