सिउपिसिन् सियेन् च्वंगु दमु, ब्वंगुपिसिन् ब्वङन् च्वंगु दमु, उकु टाहागौ खँ हातिं दउ थिनागु लगैम्वजु । द्वाल्खाकु थिम्हा निस्म्हाय् बान् बकसपत्र येङन् बिये भ्वँरकु दउ दाइजोय् ल्याःखां मखे, न मान् माइतीलान् हाये पेवाय् ल्याःखा खेङ् । हात्त हर्स द्वाल्खा छिजि दोखुसेङ् खेउँ । मा भाषा हङ छिजि दोखुसेय साझि खेउ, ऊ साझि भाषा त म्वात्के तई मल हङ ग्वाहार यङन ययन चोन्गु ऊ बाँपीझ्याला पतीङ छिजि द्वाल्खा मिय साझि खेउ ।

द्वाल्खा हङ थिगुर गुठीय् छेँ थिनागुतु खेउँ । आमु दुपान काँगे्रस, एमाले, माओवादी केन्द्र, राप्रपा, साझा पार्टी, एकिकृत समाजवादी पार्टी थिनागु येउतां पार्टीय् मिपेनुं च्वइँफरै । बाँपीझ्याला गुनान चल्याङन चोन हङ सोयनुङ ऊ पति द्वाल्खा मिय प्रतिनिधित्व यङन चोन रा ? मोचो रा ? हङ खँ मुल खेउ । हाति ज्य खँ हिल्केईत थिम्ह वा जिम्मा काईतु मल आन्थीङ थउतु वा हिली तु मफौ, फर्स थउ ग्वाहार यरीलौं मफर्स यङन चोन्गु त ग्वाहार यरीलौं, खँकु खँ जुकुन ड्वाकके गुन्तङ फाईदा मोजु बरु छिजि दोखुसेय लागिन् घाटा जुई फरई ।

राजनितिक बिचार मदउ वा थनुय न्हिकु गुन जुई फरई ? तर यउ राजनितीय मि जुर्सङ आमुन ल्वापठोङ खँ बाँलकु रा ? बामल रा हङ खँ थुई मल । थउङ हातिङ मयरेउरी ङेङन चोन्गु तङ यरी मविईरी ऊ री बाँलकु पक्ष मखे ज्यउ । उ बाँपीझ्याला थिम्हा राजनीतिक मिय् छेँय् थिप्ट झ्याला मखे, उ वा दोखुनुं द्वाल्खामिन् क्वत व पित स्वइजिउ झ्याला खेउँँ हङन् थुकेइ मल्दन । थनुकेसी ईसिन आमुतु ज्य खँय लागिन् उ बाँपीझ्याला पती हिल्के ययन चोनगु । उ झ्यालालान् इसिन् हाति ख्वनगु थप्सिनुं आमुतु ख्वइँदउ केङन थुकेई म्वालने चोनगु ।

उ बाँपीझ्यालालान् ख्वइँदउ ज्येखँपेन् सत्नहेतु जुर हर्सजुकुन् थपिस्त स्वइबिरगु मखेना हर्स मखेउ खँ गुनानुं केइँ म्वाल्जु हर्स घब्रित्के टियेन् बिरगु । उ बाँपीझ्याला दुपान द्वाल्खाय् नखतचखत, ताईँटेगु जात्रा, बाजा, म्वारीय् लागिन् हाती यरी मलेउ ? हाति यर्स जियउ ? वयलागिन् छिजि जिम्मेवारी व दायित्व हाती खेउ उकु हाती यर्स वय निरन्तरता जुय हङ खँ थिनागु थुकेईय लागिन् ईसिन बाँपीझ्यालालान् थपे दोखुसेत पित सोकेई म्वालेन चोनगु ।

वय नाप नापङ हातिङ कत्छीङ्गु कत्मछीङ्गु खँपेन म्वालेन ख्वालेन थपिस्त ब्वयन केई म्वालने ऊ दुपानय् खेउ खँ हातिखेउँ हङन् म्वालेन् थपिस्त केइँ म्वाले चोनगु । वयलागिन् थपे दोखुसेय ग्वाहारय आवश्यकता दमु । बाँलकु ज्य खँ त बाँलकु हङन नासजुउ ज्य खँ जुर हर्स ऊ बात्चा नास जुयन चोन वत बाँलस्केई मल हङन ग्वाहार यरसिन् ।

थनुकेसीय व्यला किरय कारणन विश्वकु चोन्गु मिपे जिवन बालङन मोचो गु व्यला गिवी लुँखा टियउ, झ्याला टियउ खँ हङ सिईमदत । यल्पनुङ भदउकु मिखा टपज्याकु सान खँ लायथे खँ लाई मटे ऊ छिजि गुनेङ लागिन् बाँलकु मयत । पिखन्नलान् शत्रुरपेन किला टाय थे चोनहिन् आपे हाखेन छिजि यल्पनुङ वप्ते आप्ते खँकु थायन ल्वातगु । ऊ दोखुनु खँय लागिन् छिजि दातिकु मिलई जुईतु मल ।

आमजुयलागिन् हातिन फरगु आमुन ग्वाहार यङन मिलई जुईरी खँ जुकुन पित काईत थपिस्त ईसिन् दुपान नुगरलान्नसी ईनाप यतयु ।
थिम्ह द्वाल्खा मिन मेवु द्वाल्खा मि दाजुकिंज, तिताकेहे त बाँमल हतगु दोखुनु बाँमलङन गुन बाँलरेउ, आमु जुयलागिन् दोखुनु बाँलकु, दोखुनुसेनुङ बाँलकु ज्य खँ यरी म्वालेन चोन बाँलकु ज्य खँकु ग्वाहार यरी हङन हाखेन लिङाईलौ । ईनागु ज्य खँन दोखुनसेत बाँलकु यतै ।

आन्थितु, द्वाल्खा पिपान च्वंगु जुर्सं दुपान, च्वंगु जुर्सं थउन सयेफये ग्वाहार बियेन् बाखन्, चिय खँ, गजल, म्ये, प्याखन्, द्वाल्खाय् इतिहास, मौलिक व साँस्कृतिक खँपेन् छुसायेन् अझ हाखेन उइँत बल व ग्वाहार विईत हङन ईसिन थपे नाप आशकायन चोनगु । थप्सिन् हातिं म्वछुसार्सं इसिन् थउ टुटि जाउमदिगु ऊ ज्य खँ ईसिलागिन् जुकु मखे छिजि दोखुसेय लागिन् खेउ ।

आउ वा इसिन् इन्टरनेटलान् हाखेन ओङन चोङन दमु, घसान् घसान् टुटिङ् ल्हेइ फयेउ हङन् दुपानन्नसि विश्वास व आँट कायेन् च्वङदमु । आउ थपे हाति विचार दमु थउ मनकु दउ खँ प्वंकेबियेन्दित ज्येउ हङन् थन्हु त क्वचल्केर्गु सुभाय् !