द्वाल्खाकु फागु ब्वइँत मुचान्नसि ड्वाकु टुल्केय् मिपेन् रसतायेन् तिम्तिमुङन् थउ सोय्न् ड्वाकुपिसिन् गिथि गिथि म्ये हलहिन् आन्थितु ओप्तेचा मुचापिसिनुं हलेन् अँबिर, सिँदर व रंग ह्वालेन् मज्जा कारहिन् । उ छिजि हाबिन्नसि छ्यालेन्र तये चलन खेउँ । उ त छिजिन् थउ ठाइँय् मूल रीतिरिवाज हँगन् च्वनगु । तर ओस्चाकु छिजिन् थउ मूलखँ (मौलिक) त सियेन् मसियेथेँ येङरा, वा मूलखँय् अर्थ थुकेइ मफयेरा ङेङसर (प्रश्न) पितयेर आन्थिनु माँय् भाषा त म्वात्केइरि खँकु उ तु खेउँ हङ लिसर (उत्तर) पितयेउ खोइँमद । उ हात्तले ?

छिजि ठाइँकु द्वाल्खा नेवार भाषा त ल्वाप्ठोइँ मल, म्वात्के तइमल हँगन् थिप्ट निस्पट च्वइसाँफर (कापी) ज्वँगन् पुरातत्व कुठी, ड्रवाक्ड्वाकु साँफर कुठीधुन्दु ब्वाँगन् च्वंगुपेन् घत्कें खोइँ धोन्गु आन्थिनुं द्वाल्खा नेवार भाषा उतु खेउँ हङन् हातिं मूलदसि क्येइँ मफगुनि, मुथुन् जुकुन् उ इनागु, आमु आनागु हङन् च्वनगु, गिथि कि स्वनिग देशकु च्वंगु नेवारपिसिन् थउ नेपाल भाषाय् लागिन् आखर च्वइ सेइँत लिपि पितकायेन् तरै, थउतु नेपाल भाषालान् साँफर पितकायेन् तरै, आउ जुर्न जुर्न भाषामुलोँ (भायलचं) गुतरि पर्वते भाषालान् ‘व्याकरण’ हँगन् ओँसिरगु । नेपाल भाषालान् पितकायेन् तये म्ये हलगु, भजन येतगु, तर छिजिके आनागु हातिं मद हात्तले ?

थिगुर हाबिय खँय् (इतिहास) हा हङ तु मञ्जुश्रीन् पाराक तये हङ टुटीपाली व जुजू ईन्द्रसिं देव न दकेय् मोहर (सिक्का) आले डाँडाथोक ट्वालकु दउ टकसार छेँ, मेबु हाति दमुले ? हाबिन्नसि हलेन् च्वङ फागुये म्येटुल्के मेबुपिसिन् दके तये हलगु हर्स गु ल्याखान् छिजि भाषा त प्रमाणित येँगन् क्येइँरिले ? आउङ् उतु खँय् ल्याखाकु लिङार्गु हर्स लिबिय् पुस्ता त हातिउरि आड कायेन् हाबिय् खँ थुकेइरि ? ओय् लिसर गुनान् बियेउ ?

आउ उकु सोइलौ छिजि हाबिय् फागु म्ये गिनागु दमु ?
जय जय भीमेश्वर, हरहर शम्भो, क्षेत्रपति महाराजा हो,
कौसी काशी पूर्व वनारसी तामर कौशीका तिरे हो….
जय जय भीमेश्वर…….
द्रौपदि माई गणेशपति आगे वैठी हे महाराजा हो..
तामर कौशीका तिरे हो…
अभयपुरमे श्री भीम राजा, चरणों कि भक्ति करता हे,
जय जय भीमेश्वर……

आले लिखन दोइँ ताक्कुरी पर्वते भाषालान् हल्नसिन् इथि हलहिन्….
मज्जाको होरी जाइ जान लाग्यो,
फाटन लाग्यो तिरे हो….
आउ बाँलस्के थुकेइलौ कि छिजिन् थउ तु भाषालान् उ फागु म्ये त थउतु हात्त थउ भाषालान् छ्यालि मफर्गु ? कि बाजे बराजुपिस्त गुनुङ जूजुपिसिन् थउ भाषालान् न्वन्हाइ मबिर्जु रा…? कि च्वइसउ मि मदउरा हाति खेउँले…? इनागु ङेङसरपेन् येक्कु पितयेइफरै, उ खँ त भातिचा थातकोत हिलेन् द्वाल्खाय् तु भाषालान् द्यउपे नाम तयेन् दकेर्स बाँलरेउरा हँग जन नुगरय् खँ उ तु खेउँ,
………………………………….
जय जय भीमेश्वर हर हर शम्भो,
दोलखाय् अधिपति महाराजा हो..
अभयपुरकु भीमसेन द्यउ नुगर्कु,
रंग ह्वालेन् म्ये हले तिरे हो…
गया व काशी छिजितु वणारसी,
छिजि जूनी तामाकोसी तिरे हो,
जय जय भीमेश्वर………….
द्रौपदि जउकु कुन्ती च्वन खउकु,
हाखेन स्याउदाइलौ गणेश द्यउकु,
जय जय भीमेश्वर……..
अँबिर रंगीचंगी फागु म्येथइ धोन्गी,
ल्यासिमिसा पिस्त प्यात्के तिरे हो ।
जय जय भीमेश्वर….

इनागु ल्याखाःन् फागु म्ये दकेर्स गिथि जुयेउ ? दोखुसेनुं थउ खँ तयेन्दिलौ न्हा !!