तौथलीय ल्यास्मा व्यवसायी भेषबहादुर श्रेष्ठ

सिन्धुपाल्चोक जिल्ला त्रिपुरा सुन्दरी गाउँपालीका वडा नं.–५ तौथलीकु बा साने श्रेष्ठ व मा नानीमायाँ श्रेष्ठय कोखलान् २०४१ दँ जेठ ६ गते बुय (जन्मु जु) जेठा कय् भाजु भेषबहादुर श्रेष्ठ खेउ ।

समाजशास्त्रकु स्नात्तकोतर यङन तयन दिउ भाजु श्रेष्ठ त्रिपुरा सुन्दरी मावि ब्वङकुठी तौथलीलान् एस.एल.सि. पास यङन दिए हर्स पशुपती कलेज चावहीलान् कलेज धोन्केय खेउ ।

२०७८ दँ फागुण ६ तिथीकु आशाम बोरगोला चोङन ययनदिउ बा भाजु नरबहादुर श्रेष्ठ व मा चमेली श्रेष्ठय जिकुसल कान्छी मिच मई सरिता श्रेष्ठनाप फोङन (मागी) व्यहा यङ खेउ ।

थनुकेसी बुढानिलकण्ठ –९ निलोपुलकु विएस मेटलय नामलान् ग्रिल कारखाना हिल्के ययन चोङन दिउ भाजु श्रेष्ठ नेवाः देय् दवु सिन्धुपाल्चोकय कोकजी, ग्रिल आले स्टिल व्यवसायी संघ येँ कपन ईकाईय नायः खेउ ।

तौथली नेपाल भाषाकु हाखेनन्सी लगई जुयन ययन चोङन दिउ भाजु श्रेष्ठन् थउ भाषा, संस्कृती संरक्षण यरी मल हङन लिङायन चोङ्गु मध्यकु थिम्ह तौथलीय ल्यास्मा समाजसेवी खेउ । भौगोलिक रुपकु द्वाल्खाय नेपाल भाषा, संस्कृतीनाप तौथलीय गत्के संस्कृती व भाषा मिलई जुर ।

उतु बैशाख २४ गते बागमती प्रदेश न नेपाल भाषा व तामाङ भाषा त कामकाजीय भाषाय रुपकु मान्यता वियकु खुसी चायन चोन्गु भाजु न आउ थउ कय मिचपिस्तङ छिजि दोखुसेनुङ थउ मा भाषा सेई मल उ थिगुर नेवार व तामाङय थउ जातीय पहिचान नाप ट्वाकस्याङन चोन्गु खँ जुयलागिन् वय संरक्षण यरी मल्गु हङ खँ थुकेई लागिन् थउ लिङायन चोङ खँकु गर्व यङन दिरहिन् ।

लिवात्के जुर्सङ प्रदेश दुपान नेवार व तामाङ जाती न थउ मा भाषा छ्याली खोईरी हङ खँ ड्वाकु उपलब्धी जुयलागिन् वत दोखुसेनुङ महत्व विई मल हङन् थउ खँ प्वन्के दिरहिन् ।

भाषा व संस्कृती थउ पहिचान नाप ट्वाकस्याङन चोन । उतु पहिचान न यत्ङ नेपालय संस्कृती म्वाङन चोङ्गु जुयलागिन् वत संरक्षण यरीय लागिन् सरकार ग्वाहार यरी मल हङ भाजु श्रेष्ठय थउ विचार दुम ।