बुद्ध एयरले नेपालगञ्ज–पोखरा सिधा उडान अस्थायी रूपमा बन्द

नेपाल सम्वत् ११४६, अनलाथ्वः ४ चौथी (६ जेष्ठ, २०८३, २० मे, २०२६) बुधबार, बाँपिझ्याला । बुद्ध एयरले करिब पाँच वर्षदेखि सञ्चालन हुँदै आएको नेपालगञ्ज–पोखरा सिधा उडान केही समयका लागि स्थगित गरेको छ । कम्पनीका अनुसार भारतीय धार्मिक पर्यटकको सङ्ख्या घट्नु र इन्धन खर्च बढ्नु यसको मुख्य कारण हो ।

बुद्ध एयर नेपालगञ्ज स्टेशन प्रमुख विनितविक्रम शाहका अनुसार मलमासका कारण भारतबाट आउने पर्यटक घटेका छन् भने इन्धनको मूल्यवृद्धिले सञ्चालन खर्च बढाएको छ । यही कारणले उडान कम्तीमा एक महिनाका लागि रोकिएको बताइएको छ ।

विसं २०७८ साउन १७ गतेदेखि सातामा तीन दिन सञ्चालन हुँदै आएको यो सेवा मङ्गलबारदेखि बन्द भएको हो । उडान रोकिएपछि पश्चिम नेपालका यात्रु, पर्यटन व्यवसायी तथा सर्वसाधारण निराश बनेका छन् । अब यात्रुले फेरि सडकमार्गबाट करिब १४ घण्टासम्म यात्रा गर्नुपर्ने अवस्था आएको छ ।

नाट्टा नेपालगञ्जको पहलमा सुरु गरिएको उक्त सेवाले पोखरा, बर्दिया राष्ट्रिय निकुञ्ज, कर्णाली चिसापानी र रारा जस्ता पर्यटकीय क्षेत्रसम्म पुग्न सहज बनाएको थियो । भारतका लखनउ, कानपुर र दिल्लीबाट आउने पर्यटकका लागि पनि यो सेवा उपयोगी मानिएको थियो ।

नाट्टा नेपालगञ्जका संस्थापक अध्यक्ष श्रीराम सिग्देलले सरकारले आवश्यक पहल नगर्दा सेवा बन्द हुने अवस्थामा पुगेको टिप्पणी गरेका छन् । उनले निजी क्षेत्रको सक्रियतामा सुरु भएको सेवा टिकाउन सरकारी सहयोग आवश्यक रहेको बताए ।

बुद्ध एयरले १८ सिट क्षमताको बीचक्राफ्ट १९०० डी सिरिज विमानमार्फत सेवा सञ्चालन गर्दै आएको थियो । यात्रुको चाप बढे दैनिक उडानसम्म विस्तार गर्ने योजना भए पनि भाडादर वृद्धि र यात्रु घटेपछि उडान स्थगित गरिएको कम्पनीले जनाएको छ ।

बुद्ध एयरले नेपालगञ्ज–पोखरा सिधा उडान अस्थायी रूपमा बन्द

बुद्ध एयरले नेपालगञ्ज–पोखरा सिधा उडान अस्थायी रूपमा बन्द

प्रतिक्रिया दिनुहोस्

ताजा अपडेट

निजी भ्रमणमा निस्किएका प्रधानमन्त्री बालेन पोखरा पुगे

रास्वपाले टुंग्यायो विभिन्न विभागका प्रमुख, प्रवक्तामा जगदीश खरेल

अमेरिकी गायिका जेसिका लिन नेपाली कलाकारसँग सांगीतिक सहकार्यका लागि नेपाल आउँदै

निःशुल्क औषधिको उपलब्धता सुनिश्चित गर्न स्थानीय तहलाई मन्त्रालयको निर्देशन

पुनर्गठन मार्फत बलियो, एकताबद्ध र जनमुखी एमाले निर्माण गरौँ !

सम्बन्धित समाचार

निजी भ्रमणमा निस्किएका प्रधानमन्त्री बालेन पोखरा पुगे

रास्वपाले टुंग्यायो विभिन्न विभागका प्रमुख, प्रवक्तामा जगदीश खरेल

निःशुल्क औषधिको उपलब्धता सुनिश्चित गर्न स्थानीय तहलाई मन्त्रालयको निर्देशन

हाट सिँजामा फोर–जी सेवा, डिजिटल पहुँच विस्तार

सम्पर्क

हाम्रो टिम

महत्त्वपूर्ण लिङ्कहरू

उपयोगी लिंकहरु

बुद्ध एयरले नेपालगञ्ज–पोखरा सिधा उडान अस्थायी रूपमा बन्द

बुद्ध एयरले नेपालगञ्ज–पोखरा सिधा उडान अस्थायी रूपमा बन्द

प्रतिक्रिया दिनुहोस्

ताजा अपडेट

सम्बन्धित समाचार

सूचना विभाग दर्ता नं.

सम्पर्क

हाम्रो टिम

महत्त्वपूर्ण लिङ्कहरू

उपयोगी लिंकहरु

सर्च गर्नुहोस्