हे भीमेश्वर प्रभु...
म केही होइन, हजुर नै सबै हुनुहुन्छ।
मेरो श्वासमा हजुर, मेरो विश्वासमा हजुर,
मेरो जीवनको हरेक आशामा हजुर...
भीमेश्वर हजुरकै चरणमा,
मेरो शिर सधैँ झुकिरहोस्।
हजुरकै नाम जप्दा–जप्दै,
मेरो जीवन धन्य बनिरहोस्।
म त हजुरका चरणको धूलो मात्र हुँ,
के नै मेरो अस्तित्व छ र?
मेरो अहं र मेरा सबै चाहना,
हजुरमै विलीन भएपछि के बाँकी छ र?
संसारको बाटोमा चोट धेरै पाएँ,
आफ्ना भनिएकाबाटै आँसु धेरै पाएँ।
जब हजुरको पावन शरणमा आएँ,
दुःखभित्र पनि शान्तिको दीप पाएँ।
मेरो पीडा हजुरले मौनमै बुझ्नुभयो,
मेरो आँसु करुणाले पुछ्नुभयो।
म अँध्यारोमा हराएको यात्री थिएँ,
हजुरले सत्यको बाटो देखाउनुभयो।
भीमेश्वर हजुरकै चरणमा,
मेरो शिर सधैँ झुकिरहोस्।
हजुरकै नाम जप्दा–जप्दै,
मेरो जीवन धन्य बनिरहोस्।
अब आफ्नो भनेर राख्ने केही छैन,
हजुरबाहेक मनले खोज्ने कोही छैन।
मेरो तन, मेरो मन, मेरो प्राण प्रभु,
हजुरलाई अर्पण गर्न बाँकी केही छैन।
मेरो सुख पनि हजुरकै प्रसाद हो,
मेरो दुःख पनि हजुरकै आशीर्वाद हो।
जस्तो अवस्थामा राख्नुहुन्छ स्वीकार छ,
हजुरकै इच्छा मेरो जीवनको आधार हो।
जति गाह्रो भए पनि शरण पाए पुग्छ,
हजुरको एक झलक दर्शन पाए पुग्छ।
यो स्वार्थी संसारबाट मन टाढा राखी,
हजुरको भक्तिमा डुब्न पाए पुग्छ।
माग्नु छैन धन, माग्नु छैन मान,
चाहिँदैन संसारको झुटो सम्मान।
भीमेश्वर हजुरका चरणमा सानो ठाउँ,
त्यही नै मेरो स्वर्ग, त्यही मेरो धाम।
भीमेश्वर हजुरकै चरणमा,
मेरो शिर सधैँ झुकिरहोस्।
हजुरकै नाम जप्दा–जप्दै,
मेरो जीवन धन्य बनिरहोस्।
म त हजुरका चरणको धूलो मात्र हुँ,
के नै मेरो अस्तित्व छ र?
मेरो अहं र मेरा सबै चाहना,
हजुरमै विलीन भएपछि के बाँकी छ र?
जब मन चञ्चल भई भड्किन थाल्छ,
हजुरको नामले फेरि सम्हाल्छ।
जब मोहको बादलले बाटो छेक्छ,
हजुरको ज्योतिले सत्य देखाउँछ।
मेरो हरेक कर्म हजुरलाई अर्पण होस्,
मेरो हरेक वचन हजुरको भजन होस्।
मेरो हृदयमा अरू केही नरहोस्,
केवल भीमेश्वरको पावन स्मरण होस्।
हजुर हुनुहुन्छ, त्यसैले म छु,
हजुरकै कृपाले यो जीवन चल्छ।
हजुरले समाए डर सबै हराउँछ,
हजुरको नामले मनको घाउ भरिन्छ।
भीमेश्वर प्रभु, मेरो हात नछोड्नुहोस्,
माया र मोहमा मलाई नहराउन दिनुहोस्।
मेरो मनलाई सधैँ पवित्र बनाइदिनुहोस्,
हजुरकै सेवामा जीवन बिताउन दिनुहोस्।
अरू केही चाहना छैन यो जीवनमा,
हजुरकै नाम रहोस् हरेक धड्कनमा।
अन्तिम क्षणमा जब आँखाहरू बन्द होऊन्,
हजुरकै रूप रहोस् मेरो दर्शनमा।
भीमेश्वर हजुरकै चरणमा रहँदा–रहँदै,
हजुरकै पावन नाम जप्दा–जप्दै,
यो प्राण शान्तसँग विलीन होस्,
हजुरकै प्रेममा हराउँदा–हराउँदै।
भीमेश्वर हजुरकै चरणमा,
मेरो सम्पूर्ण जीवन समर्पित छ।
मेरो तन, मन, वचन र प्राण,
आजदेखि सबै हजुरकै छ।
म त हजुरका चरणको धूलो मात्र हुँ,
के नै मेरो अस्तित्व छ र?
हजुर नै मेरो जीवनको सत्य,
हजुरबिना मेरो आफ्नो को छ र?
हे भीमेश्वर प्रभु...
मेरो केही छैन, सबै हजुरकै हो।
मेरो जीवन पनि हजुरकै,
मेरो अन्तिम श्वास पनि हजुरकै हो।
भीमेश्वर हजुरकै चरणमा...
भीमेश्वर हजुरकै शरणमा...
जन्मजन्मसम्म रहन पाऊँ,
हजुरकै पावन चरणमा...
केन्द्रिय कार्यालय
नागार्जुन न. पा.-१, काठमाडौ
सम्पर्क कार्यालय
भीमेश्वर नगरपालिका - २, दोलखा
प्रदेश नं. - ३
सम्पर्क न : ९८१००८८८७७
Email
bampijhyalanews@gmail.com
dolakhanews@gmail.com
info@bampijhyala.com
प्रकाशक
बाँपीझ्याला मिडीया प्रा.लि.
अध्यक्ष/ सम्पादक
उपेन्द्र प्रधान
सह-सम्पादक
अनील चन्द्र श्रेष्ठ
अजय प्रधान
सुनी प्रधान
© 2026 All right reserved to bampijhyala.com | Site By : Sobij