नेपाल सम्वत् ११४६, यंलाथ्वः १३, त्रयोदशी (८ असोज २०८३, २४ सेप्टेम्वर, २०२६) बिहीबार, बाँपिझ्याला । अत्यधिक वर्षाका कारण बाढी, पहिरो तथा डुबानको जोखिम बढेपछि पोखरा महानगरपालिकाले महानगरभित्रका सबै विद्यालय दुई दिन बन्द गर्ने निर्णय गरेको छ।
महानगरपालिकाले सूचना जारी गर्दै सामुदायिक तथा संस्थागत विद्यालयमा आज असोज ८ गते र भोलि असोज ९ गते स्थानीय बिदा दिने जनाएको हो।
सम्भावित बाढी, पहिरो तथा अतिवृष्टिको जोखिमलाई मध्यनजर गर्दै पूर्वसावधानीस्वरूप विद्यालय बन्द गर्ने निर्णय गरिएको महानगरपालिकाका मेयर धनराज आचार्यले बताएका छन्। दुई दिनको बिदा पछि दिइने अन्य सार्वजनिक बिदासँग समायोजन गरिनेछ।
यसअघि शिक्षा मन्त्रालयले पनि प्रतिकूल मौसमका कारण आज र भोलि विद्यालय बन्द गर्न आग्रह गरेको थियो। मन्त्रालयको आग्रहलाई समेत ध्यानमा राख्दै महानगरपालिकाले विद्यालय बन्द गर्ने निर्णय गरेको हो।
महानगरपालिकाले विद्यार्थी, अभिभावक, शिक्षक तथा महानगरवासीलाई मौसम प्रतिकूल रहेकाले सतर्क र सुरक्षित रहन तथा सम्भावित जोखिमबाट बच्न आवश्यक सावधानी अपनाउन आग्रह गरेको छ।
केन्द्रिय कार्यालय
नागार्जुन न. पा.-१, काठमाडौ
सम्पर्क कार्यालय
भीमेश्वर नगरपालिका - २, दोलखा
प्रदेश नं. - ३
सम्पर्क न : ९८१००८८८७७
Email
bampijhyalanews@gmail.com
dolakhanews@gmail.com
info@bampijhyala.com
प्रकाशक
बाँपीझ्याला मिडीया प्रा.लि.
अध्यक्ष/ सम्पादक
उपेन्द्र प्रधान
सह-सम्पादक
अनील चन्द्र श्रेष्ठ
अजय प्रधान
सुनी प्रधान
© 2026 All right reserved to bampijhyala.com | Site By : Sobij