
गुल्प गुल्प उ समाजये नीति खोन्ङ,
उदेक चारगी जि समाजये खँ न्येन्ङ,
मिसामी हङ हातिङ मखेउथें यत्न,
मिसामी त कोत त्यालेन् खँ केन्न,
अचम्म तारगी समाजये रीत खोन्न,
श्रृष्टिये थिगुर लुखा खेउँ मिसामी,
मिखाये निस्गुर नस्कन खेउँ मिसामी,
मिसामी गुल्प साकु दस्कन जुइ फरै,
मिसामी गुल्प खोङौ नेम्लाङ् जुइ फरै,
गुल्प आनागु जुइमल्स निभार जुइ फरै,
यउता ज्ये यरि मल्स मिसामी हाखेन थ्यनै,
मुचा, कैमु, कुबा,निन्मा त लहियन् क्येनै,
छेंलान् नसि सा चिला बुँ स्वाँरा टुल्के,
घट्ट, सुबन् नसि चिपु थाला भाँडा टुल्के,
मिसामीये उ अभिभारा त म्वखोङ खोन्न,
जस मबियन् यल्पनु बोलबिउ मिपेन खोन्न,
अचम्म चारगी जि मिपे स्वभाव खोङन् ।
उ समाज दुपानये बामलकु व्यहोरा खोङन्,
मिसामीन् वन्सामी त हातिङ हरि मजिउ हँ,
मिसामी छें त्वार्त गिबिङ लिङाइ मजिउ हँ,
हात्त समाजकु मिसामी थ्येँइ मजि उकु,
मिसामीन् जुकुन् स्वइमल्गु हँ स्वाँरा बुँकु,
उ वन्सामी जुकुन् आधिपत्य हात्त,
मिसामी उइँ मजिउ हङन् हतहिन् थात,
पिपान देशये रीतिरिवाज खोन्नसिन्,
आखर ब्वङन् गिनागु ठाइँकु थेन्नसिन्,
छिजि समाजकु मिसामीत नस्ता हतहिन्,
बातिचा बाँलस्केङ जुइ मजिउ ट्वालकु,
खुसुखुसु खँ लायन् स्वरहिन् हात्त ख्वालकु,
गुनुङ नाप जुरहर्स मिखा हिल्के स्वउपेन्,
हरिदत हर्स आँतीकु मदिके नुगरकु दिकेरहिन्,
थउ गल्ती ट्वाप्चियन् मेपिस्त कित्केरहिन्,
दोखुसेङ थिगुर तु बिचार दउजुर्स,
दोखुनुङ थिगुर मुलकु च्वङन जिउजुर्स,
थातकोतये हाती मतलब जुयउले,
दउ व मदउये बाखन तु मदकेउले,
यिनागु भेदभाव मयर्स बाँलकु जुयउ,
मिसामिङ मि तु खेउँ हङन् दोखुसेनुङ थुयउ ।
केन्द्रिय कार्यालय
नागार्जुन न. पा.-१, काठमाडौ
सम्पर्क कार्यालय
भीमेश्वर नगरपालिका - २, दोलखा
प्रदेश नं. - ३
सम्पर्क न : ९८१००८८८७७
Email
bampijhyalanews@gmail.com
dolakhanews@gmail.com
info@bampijhyala.com
प्रकाशक
बाँपीझ्याला मिडीया प्रा.लि.
अध्यक्ष/ सम्पादक
उपेन्द्र प्रधान
सह-सम्पादक
अनील चन्द्र श्रेष्ठ
अजय प्रधान
सुनी प्रधान
© 2026 All right reserved to bampijhyala.com | Site By : Sobij