
कल्पना श्रेष्ठ महर्जन
लुवन थनु जन्त दह्री व बजी नये,
लुवन यापिर्नसिन् हिलोकु मेथये,
वायर्न खप्टुकु कुसान् कुयेन् च्वङ,
भाखरी स्वात्न यापुया मुठा ज्वङ ।
असार १५ यर्नसिन् गुलि रसताउपे,
बुँकु ज्ये यरित यक्कु लाटा खाउपे,
म्ये हलेन् खँ लायेन् या पियेन् च्वङ,
भाति भाति ब्वठयेन् खायौ थों त्वङ ।
ब्वाराकु तु वङन् दह्री हायेन् यउपे,
हाँसाकु तयेन् झोर दस्कन्कें लेउपे,
लुवन निजा नइत दुधु काँकर म्वङ,
असारे पन्ध्र हङन् म्येङ् हलेन् च्वङ ।
आलु व म्वार् वालेन् सुनी कौला नउपे,
समैबजी नर्नसिन् थाकती जौला तउपे,
सगुन् काइत दोखुनु जाहान् नाप च्वङ,
रसतायेन् ऐराक्न कायेन् मफ मफ डोङ ।
लुवन चिसलतीकु च्वाकठ्यालेन् तुले,
ढंग मदौ हङन् बोल बियेन् वासर बुले,
लुवन साङतपिसिं बाखन् लायेन् च्वङ,
दह्रीबजी नाप नइत हेंगौ आलुङ् म्वङ ।
थउ माये ठाइँत बेस्न माया लगैजुर,
फये सये ग्वाहार बित मनुङ लगैजुर,
लुवन साङतपेन् आखर नाप ब्वङ,
यले वन्सङ् यले च्वन्सङ् नाप च्वङ ।
द्वाल्खाये नखत चखत यल्पनु म्वात्केइलौ,
गिथी यङन् बाँलकु जुयेउ उ खँ स्वात्केइलौ,
यिनागु सर्ग थिनागु ठाइ गिबिङ मद खोङ,
आमु चाकु बुयेन् यये आँकु तु मेथयेन् च्वङ ।
‘
च्वङ ठाइँ : लाजिम्पाट, येँ,
बुये ठाइँ : द्वाल्खा माय् छेँ ।
केन्द्रिय कार्यालय
नागार्जुन न. पा.-१, काठमाडौ
सम्पर्क कार्यालय
भीमेश्वर नगरपालिका - २, दोलखा
प्रदेश नं. - ३
सम्पर्क न : ९८१००८८८७७
Email
bampijhyalanews@gmail.com
dolakhanews@gmail.com
info@bampijhyala.com
प्रकाशक
बाँपीझ्याला मिडीया प्रा.लि.
अध्यक्ष/ सम्पादक
उपेन्द्र प्रधान
सह-सम्पादक
अनील चन्द्र श्रेष्ठ
अजय प्रधान
सुनी प्रधान
© 2026 All right reserved to bampijhyala.com | Site By : Sobij