
मिः जुयेन्लि मि हङ ओँसिमल,
मीन मिपिस्त स्वइङ् फकेइमल ।
स्वर्न मिपेन् वा दोखुनुङ् थिगुर,
च्वर्न खँपेनुङ् दोखुताङ् थिगुर,
खाली मिपे व्यहोरा तु ब्यागल,
जाली मिपे खँ ङेइ तु माबाल ।
मिन नसि मि टुल्के सिकेइमल,
मि जुयेन्लि नुगर त थुकेइमल ।
हुक्न उइँरा उक्न म्वालेन् लिङाउ,
ढ्याबाये लागिन् प्वालेन् लिङाउ,
सिद्धान्त बोङ्गुपेन कुठा दुपान्,
कुम्लो बुपिसिन् नुरै छेरये देपान् ।
मीन नसि मिपिस्त ओँसिकेइमल,
गुरि भिंगु दांगु थउ तु थुकेइमल ।
यलेङ् जुर्सङ नुगर –क्वाटके तइरी,
थउलागिन् जुकुन् फाइदा म्वस्वइरी,
थउ भिंकेर्स दोखुसेनुं हरेउ बाँलकु,
लिबि सिङन् उइँमल थिगुर मुलकु ।
मि जुयेन् मिपिस्त ग्वाहारुं बिमल,
हातिङ् जुर्स लिबि आमुतु मिंमल ।
भातिचाङ् कोत जुपिस्त हेपेरि मटे,
दउ व मदउ हङन् ब्यागल यरि मटे,
दउ जुपेन् जुकुन् सर्गकु थेङ्गु मखे,
मदउपेन् उ धर्तीकु च्वङन् च्वंगु मखे ।
मिपेन् यउङ थ्वजु थिगुर जुकेइमल,
गुनान् गुन्तङ थातकोत मयेत्केइमल ।
२०७८/०४/२९
लाजिम्पाट, काठमाडौं ।
केन्द्रिय कार्यालय
नागार्जुन न. पा.-१, काठमाडौ
सम्पर्क कार्यालय
भीमेश्वर नगरपालिका - २, दोलखा
प्रदेश नं. - ३
सम्पर्क न : ९८१००८८८७७
Email
bampijhyalanews@gmail.com
dolakhanews@gmail.com
info@bampijhyala.com
प्रकाशक
बाँपीझ्याला मिडीया प्रा.लि.
अध्यक्ष/ सम्पादक
उपेन्द्र प्रधान
सह-सम्पादक
अनील चन्द्र श्रेष्ठ
अजय प्रधान
सुनी प्रधान
© 2026 All right reserved to bampijhyala.com | Site By : Sobij