Nov 16 2026 | २०८३, कार्तिक ३०, गते

Nov 16 2026 | २०८३, कार्तिक ३०, गते

मनकु म्वटोङ खँ !

मनकु म्वटोङ खँ !

बालकृष्ण श्रेष्ठ “पासा”

खँ ल्हाइ त म्हुथुतु दमु हत्नसिन्तु,
लों लिङाइ त टुटी दमु हत्नसिन्तु,
लकु लकु थें न्वन्वाइ मज्यू जुरा,
ज्यु मज्यु खँ ल्हाइ वा मज्यू सुरा ।

नुगर वा दोखुसें थिगुर तुं खेउँले,
मिखा वा यउसें निस्गर तुं खेउँले,
थउं त्वार्तइ मफइरि आमु ठाइँ त,
मेपिस्त बितु मज्युरि नाम काइत,

आम्दानीकु ड्वाकु मिखान् स्वइरि,
बेइमानी हत्के त्वार्मतयेन् च्वइँरि,
थउङ् ज्ये यरित ल्हाहा प्वार्चिउरि,
मेप्सिन् कायउ हङन् निहुँ म्वालिरि ।

द्येउय् ढुक्ठीलान् पिततुं मायाइरि,
चाकौत जुकुन् म्वालेन् लिङाइरि,
खायउ चीज ख्वङन् थउ तिर्पाइरि,
ढ्याबाय् लागिन् निर तु माकाइरि ।

छिन् डाय् थें यत् जिउरि ख्वय्थें यङन्,
भिंगु जति गोजिकु मभिंगु पित केङन्,
दउ ठाइँकु दुपान च्वइँत खँपेन् स्येङन्,
मक्येन्स बाँलकु थउ तु चुल्हातु डेङन् ।

भक्ति यङन् दक्षिणाकु मिखा क्वङन्,
दउ जति बुन्चाकु थोङन् पिपान फोङन्,
आम्दानी दमु हङन् उइँरि ल्हाहा ज्वङन्,
आमु तु मिपिस्न ल्वारिउरि बेस्न त्वङन् ।

इथि ज्ये यत्नसिन् ग्यारिमल्के हात्त उइँरि,
थउ मि त सुलेन् सुलेन् मेपिस्त हात्त कुइँरि,
मभिंगु नाम जाके लोककु थउ हात्त जुइरि,
मज्यु ज्ये यङन् बेकारकु थौतु हात्त नुइरि ।

प्रतिक्रिया दिनुहोस्

सम्बन्धित समाचार