झी नेवा: छधी हे जुयेमा: धाइपिं नं दु,
झी सकल छपँ जुइ धकाः हालीपिं दु,
झी नेवा: छथाय् च्वने धकाः सालीपिं दु,
जिं गनं हे मखं थन सुइत नं मालीपिं दु ।
खना छक्वः क्वथाय् जक हालीपि,
न्ह्याथाय् नं तःधंगु पद जक मालीपिं,
थ:थः मनूत न्ह्यःने न्ह्यःने सालीपिं,
स्वार्थ व लोभं जायाच्वंगु जालिपिं ।
नेवा: छधी जुयेमा:गु खँ पाय्छि ख:,
नेवा: छपँ यायेमा:गु नं पाय्छि ख:,
अय्सां थन पार्टीया ल्याखं मजुल,
छम्हं मेम्हसित य: त्य: याये मजिल ।
नेवा:त मदुसा थन संस्कृति फुनावनी,
नेवा:त मदंसा थन द्य: देगः हे दुनावनी,
नेवा:या जात्रा मयाःसा छु स्वयाच्वनी,
नेवाः बाया वंसा थ्व देय् हे ख्वयाच्वनी ।
कुथि व गुथि जक यक्व दयेकां मजिल,
छकः निकः जक माइक हायेकां मजिल,
न्ह्याथाय् नं न्ह्याबलें भ्वय् न्यायेके मजिल,
छथि, छपँ छधी धयाः चाःहीके मजिल ।
दुनुगलंनिसें छपँ जुयाः न्ह्यलं चायेका वा,
सम्पदा व संस्कार नुगलय् सयेका वा,
झीगु व झी छधी जुयेमाः धयाः वा,
नेवा: गन छु ख: धकाः धाये फयेका वा ।
केन्द्रिय कार्यालय
नागार्जुन न. पा.-१, काठमाडौ
सम्पर्क कार्यालय
भीमेश्वर नगरपालिका - २, दोलखा
प्रदेश नं. - ३
सम्पर्क न : ९८१००८८८७७
Email
bampijhyalanews@gmail.com
dolakhanews@gmail.com
info@bampijhyala.com
प्रकाशक
बाँपीझ्याला मिडीया प्रा.लि.
अध्यक्ष/ सम्पादक
उपेन्द्र प्रधान
सह-सम्पादक
अनील चन्द्र श्रेष्ठ
अजय प्रधान
सुनी प्रधान
© 2026 All right reserved to bampijhyala.com | Site By : Sobij