Nov 16 2026 | २०८३, कार्तिक ३०, गते

Nov 16 2026 | २०८३, कार्तिक ३०, गते

जन थउ खँ : गुन्त हरि थउ मि !

जन थउ खँ : गुन्त हरि थउ मि !


हु स्वर्सङ् थउ मि,
उ स्वर्सङ् थउ मि,
ड्वाकु सिमा देपान् पाङ सिर,
ङिला क्वत छोयेन् च्वनहिन्,
गुनुङ मद आमु सिमा गउ मि,
थउङ् गइ मफौ,
थउ कय छय त गकेइ मब्यू,
तुलेन् घार जुयेउरा हङन् ग्यातहिन्,
मेबु गयेन् पाङ खाइताक्कु,
लङ्गी फयेन् आम्ततु ख्यातहिन् ।

नइतङ् मल्गु साकु,
फिइङ् मल्गु बाँलकु,
खेलेङ् मखेलेङ् सउकाउ जुइमल्गु,
गोजी ज्वङन् धनी साहु क्येइँमल्गु,
हाखेन स्वर्सङ् थउ मि,
लिखन स्वर्सङ् थउ मि,
ऐराक थि ख्वालाङ् फ्वङन् त्वङन्,
आम्ततु जुइमल्गु येक्कु दउ मि ।

मदउ न सात्के नर्सङ् मज्यू,
मफउन हसकार तर्सङ् मज्यू,
भातिचा दउथेँ चाउपे हाखेन,
निस्पा लाहान् प्याटा ज्वन्सङ् मज्यू,
थात स्वर्सङ् थउ मि,
कोत स्वर्सङ थउ मि,
हातिङ् ग्वाहार फ्वन्न मातायेथेँ येकु,
ठिला पुसिये तिखौ खउथेँ खउ मि,
आले गुन्त हरि थउ मि ।

बालकृष्ण श्रेष्ठ

प्रतिक्रिया दिनुहोस्

सम्बन्धित समाचार