Nov 16 2026 | २०८३, कार्तिक ३०, गते

Nov 16 2026 | २०८३, कार्तिक ३०, गते

दोलखामा सार्वजनिक जग्गा अतिक्रमणबारे छानबिनको माग

दोलखामा सार्वजनिक जग्गा अतिक्रमणबारे छानबिनको माग

नेपाल सम्वत् ११४६, बछलागाः ३ तृतिया (२१ बैशाख, २०८३, ४ मे, २०२६) सोमबार, बाँपिझ्याला । दोलखा जिल्लाको बजार क्षेत्र तथा आसपासमा सार्वजनिक जग्गा अतिक्रमण भएको आरोप उठ्दै आएको छ।

स्थानीयका अनुसार सार्वजनिक जग्गा मिचेर घरसम्म सडक बनाउने, आँगन विस्तार गर्ने तथा मठ–मन्दिर र गुठीसम्बन्धी जग्गा समेत व्यक्तिगत नाममा दर्ता गरिएको देखिएको छ।

विशेषगरी कालिञ्चोक कुरि क्षेत्र, दोलखाको मत्स्येन्द्रनाथसँग सम्बन्धित जग्गा लगायत अन्य निजी गुठीका जग्गा पनि अतिक्रमण भएको विषयमा गम्भीर प्रश्न उठाइएको छ। यसै गरी दोलखा भीमेश्वरको भेड्पुको गुठीको जग्गा हालसम्म नापी हुन नसकी अन्यौलमा रहेको छ ।

स्थानीयवासीले नयाँ नापीभन्दा पुरानो नापी नक्साका आधारमा निष्पक्ष छानबिन गर्नुपर्ने माग गरेका छन्। उनीहरूको भनाइमा, गलत दर्ता र अतिक्रमणका कारण गुठीका जग्गा र सार्वजनिक सम्पत्ति जोखिममा परेको छ।

अब तत्काल सरकारी निकायले अध्ययन समिति गठन गरी वास्तविक अवस्था सार्वजनिक गर्नुपर्ने आवश्यकता देखिएको छ। 

प्रतिक्रिया दिनुहोस्

सम्बन्धित समाचार