Sep 30 2026 | २०८३, आश्विन १४ गते
२०८३, आश्विन १४ गते
Sep 30 2026 | २०८३, आश्विन १४ गते
भाद्र पन्ध्र गते उन्नाइसौँ पुस्तकालय दिवस ।
" बाल, युवा र वृद्ध : पुस्तकालय सबैको गन्तव्य " आदर्श वाक्यको साथ पुस्तकालय दिवस भव्य तरिकाले मनाइँदै थियो ।हलमा गन्यमान्य व्यक्तित्वहरूको भरिभराउ उपस्थिति थियो ।
स्वागत मन्तव्य , भाषण ,सन्मान,पुरस्कार आदि वितरण हुँदै थियो । सबैको गुणगान पनि भइ राखेको थियो । ताली बजे बजै थियो ।
मुख्य अतिथिज्यूलाई भाषणको लागि उद्घोषकले मञ्चबाट उद्घोषण गर्दै थियो । अचानक कताबाट एउटा पुरानो ग्रन्थ मञ्चमा टुप्लुक्क आइपुग्यो । एक्छिन सब छक्क परे , सबैको ध्यानाकर्षण उक्त ग्रन्थमा पर्यो ।
उद्घोषकले आफूलाई समाल्दै प्रश्न गर्यो " तिमी को हौँ र किन आएको ?"
ऊ मुस्कुरायो र प्रति प्रश्न गर्यो " आज पुस्तकालय दिवस अनि पुस्तकालयकर्मीले नै मलाई नचिन्ने ?"
उद्घोषक अलमल पर्यो , त्यो देखेर ग्रन्थ आफै बोल्यो " हामी बिनाको पुस्तकालयको केही महत्व हुँदैन ।"
ऊ फेरि बोल्यो " म यहाँ हामी सबैको तर्फबाट केही कुरा राख्न आएको छुँ । प्रविधिको विकासले हामी ओझेलमा परेका छौँ । यसमा उसको दोष हैन मानिसहरूको दोष छ । सबले अनलाइन र डिजीटल भनेर हामीलाई पन्छाउँछन् , हाम्रो महत्त्व नै गर्दैनन् ।"
" अब के गर्नु पर्यो त ?"
" हामीहरू कति यस्ता ग्रन्थ पनि छौँ । जुन विश्वदस्तावेज सूचीमा सूचीकृत भएका विश्वले चिन्ने तर यहाँ उपस्थित कसैले नचिन्ने । अत यस अवसरमा हाम्रा त्यस्ता साथीहरूको पनि सबलाई सन्मान , पुरूस्कृत गरे जसै , समीक्षा गर्नु पर्यो । अनि मात्र यस दिवसको अर्थ हुन्छ नत्र… खै ! जय पुस्तकालय दिवस ।"
ग्रन्थ हरायो ।
भीमपुस्तकालय दोलखाको भाद्र १५ गते १९ औं पुस्तकालय दिवस थियो । तर भाद्र १० गते रसुवामा आएको विध्वशंकारी बाढीको कारण उक्त कार्यक्रम स्थगित गरिएको हो । यसै सन्दर्भमा लेखीएको एउटा लघुकथा यहाँ प्रस्तुत गरिएको छ ।
सम्पादक ।
१९९७–०७७–०७८
© 2026 All right reserved to bampijhyala.com | Site By : Sobij
