२६ चैत्र, बाँपिझ्याला, दोलखा । हरेक वर्ष चैत्र महिनाको शुक्लपक्ष सप्तमी, अष्टमी र नवमी गरी तीन दिन दोलखा भीमेश्वरमा चैत दशैं र रामनवमी पर्व आ–आफ्नो विधिअनुसार पूजा पाठ गरी मनाईने परम्परा रही आएको छ । यसै गरी प्रत्येक चैत्र दशै पर्वमा भीमेश्वरको वडा दशैँ गुठी पालो पर्ने गुठीयारबाट दोलखा भीमेश्वर गुठी व्यवस्थापन समितिको आर्थिक सहयोगमा गुठी संचालन गर्ने चलन छ । फुलपाती, महाअष्टमी, नवमी साविक बमोजिम बडा दशैंमा जसरी मनाइन्छ ।

चैत्र शुक्लपक्ष सप्तमीका दिन राजकुलेश्वर राजकुलबाट भीमेश्वर मन्दिरमा बाजागाजा सहित निमन्त्रणा पूजा हुन्छ । यसै गरी चैत्रशुक्ल अष्टमीको दिन भीमेश्वर मन्दिरमा गुठीबाट गुठीयारले बलीपूजाको सुरुवात गरिन्छ र दोलखा आसपास र छिमेकी जिल्लाहरु लगायत अन्य जिल्लाहरुबाट भक्तजन दर्शनार्थीहरु आएर भाकल अनुसारको पञ्चबली पूजा लगायत अन्य पूजा गर्ने गर्दछन् ।

यसैदिन दोलखाको अन्य देवस्थानहरुमा पनि दशैको जस्तै पूजा आजा गरिन्छ । चैत्र दशैमा भीमेश्वर गुठीबाट भीमेश्वर मन्दिरमा र त्रिपुरासुन्दरीमा मात्र कालरात्री (चैत्र शुक्लपक्ष अष्टमी) को मध्यरातमा राँगो बली पूजा हुन्छ । महानवमीको दिन ब्रत वसेर भीमेश्वर मन्दिरमा भगवतीको आराधना गरेर बत्ती बाल्ने चलन पनि रहेको छ ।

बडा दशैंकै रुपमा यो पर्व पनि धुमधामका साथ मनाउछन् । भीमेश्वर स्थानमा चतुर्थी पूजा नगरुन्जेल दोलखामा जस्तो सुकै खेतीको समय होस हलो जोत्न हुदैन भन्ने परम्परा रही आएको छ ।

भीमेश्वर गुठी व्यवस्थापन समितीका अध्यक्ष भरत बहादुर श्रेष्ठबाट स्थानिय पुरोहितसँगको सल्लाह अनुसार बाँपीझ्याला डटकमलाई जानकारी प्राप्त भए अनुसार यस पाली चैत्र दशै (रामनवमी) गुठीमा तपसील अनुसारको तिथीमितीमा निम्न अनुसारको पूजा हुने जानकारी हुने सम्वन्धीत सम्पूर्ण आन्तरीक तथा बाह्य भक्तजन महानुभावहरुमा जानकारी गराउँन चाहन्छौं ।

तपशील

पुनश्चः बैशाख ५ गते चैत्र शुक्तपक्ष नवमीका दिन देखि बैशाख ७ गते चतुर्थी पूजा नभए सम्म बली पूजा बन्द रहने व्यहोरा सम्वन्धीत सवैको जानकारीको लागि अनुरोध छ ।